當夜九點，阿媚從美心夜總會趕至元朗總堂口。

耀仔蹲在在門前抽煙，順帶看顧附近情況。見她出現，笑著迎上前道：“媚姐，權哥喺入面等你。”

“嗯。”

阿媚穩穩心神，擡腳跨過門檻。她心知今日一定有事，思及平時元朗堂口上下的流言，料想林展權是做了什麽決定，否則也不會在此時叫她過來。

夜色晦暗，不遠處的燈投下一片金黃光線，叫人略感幾分安定。堂中一尊形態古樸的關公像被照得很亮，讓阿媚忽然想起它的過去——傳言裏數十年前和興勝元朗堂口建立之初，這具神像便已經存在了。它見證過無數次的開堂儀式，面前有過無數只貼過黃紙的供奉臺、無數座象征洪門的高溪塔、無數把三尺六寸的木楊城，無數個跪地膜拜的“藍燈籠”。又或再直接一點說，元朗堂口本就是從當地破舊的廟宇翻修而來，只不過除了持刀而立的關帝爺和兩旁金漆斑駁的龍柱外，再沒能留給每代元朗話事人其他什麽東西。供奉用的燭臺和香爐，都是興叔從別處尋來湊個禮節之數，看似香灰層疊厚重，實則不過歷經兩代而已。

就在她看著關帝像若有所思時，隨著一點紅光微閃，林展權從暗處步出。

他吸了口煙，又從盒中掏出另一支遞過去，仿佛平日閑聊般地詢她道：“諗緊啲咩？”

阿媚輕笑一聲轉向林展權，揚了揚手與他打個招呼：“權哥。嗯……無咩嘅，就係忽然諗起以前啲事。”

林展權替她點了煙。

立在堂內吹了會風，林展權與阿媚用三分鐘講天氣悶熱，誰也沒有主動說起今夜相見要辦的正事。他們談到羅湖仔的新貨單，雙卡帶的收錄音機、臺式風扇和各色錄影帶在大陸很受歡迎，單是進貨就翻了一番。船行幾回趕著風，堂口凈賺近百萬。

談完這個話題，兩人忽然很有默契似的停了口，一時沒了聲響。

片刻後，阿媚終於忍不住笑道：“權哥，我諗你今日叫我過黎絕對唔係想懷緬過去咁簡單？識你咁耐，有咩要我幫手即管開聲……係咪屯門阿炳叔又……”

林展權搖了搖頭，對她道：“唔係。”

他擡眼看著阿媚的臉，緩緩道：“其實唔單止你，我成日都諗起以前。”

“今天叫你嚟，有馬上要做嘅事，亦都有以前嘅事。”

在阿媚漸漸凝重的目光中，林展權開口道：“嚟緊十月，阿六已經走咗五年啦。”

聞言，阿媚整個人顫了顫，猛然擡頭看向林展權，目中劃過難掩的驚訝與傷痛。她雙唇輕顫，半晌才道：“……權哥，你……”

“我查到件事係點。”林展權把煙頭丟在地上，輕輕將它踩熄。

幾乎是瞬間瞬間，阿媚的臉色由紅泛白，回轉出一種更為鮮艷的紅，又快速燒進眼底。她顫抖著，抖動的幅度越來越大，甚至帶著些莫名又誇張的滑稽感。而臉上的表情卻就此定格，不是羞澀或恐懼，而是無上的怨恨和憤怒。

“邊個。”她的嗓音因情緒的波動而拔高：“……係邊個！”

“係信少。”林展權走到桌前，倒了杯涼茶遞給阿媚：“飲啖茶先。”

阿媚愕然，手中的煙滾落在桌上，灑出幾粒灰白。

“無可能！”她睜大雙眼看著林展權，不知是想說服他還是說服自己：“……無可能。興叔認我老公做徒弟，信少同佢稱兄道弟，friend到好似一家人咁！佢點會出賣——”

“仲記唔記得我同你送興叔走嗰日……”林展權道：“阿嫂同信少離開之後，強哥、你同我入去見埋佢最後一面。他講咗好多次對唔住，要你原諒；之後仲叫我幫他照顧屋企人，特別係睇住信少。”

“……記得。”

“嗰陣時我以為興叔講呢啲，一嚟因為阿六嘅事覺得內疚，二嚟想叫我幫信少做大佢堂口……”林展權頓了頓，又道：“但半個月後，阿嫂同我哋講信少因為興叔走咗太過傷心，喺佢唔知幾時惹到毒癮，希望幾個堂口一齊開會簡個新話事人。”

“之後標爺先點我暫時睇住元朗。”

阿媚緊緊地攥著拳頭，努力克制著自己的聲音：“咁……咁都係講唔通呀，如果佢吸咗成五年，點會無人知？況且字頭裏面咁多粉檔，是但搵間都夠佢吸過世，信少點會為少少錢出賣我老公？”

“他唔係要白粉錢，係要錢去賭。”

林展權從口袋裏掏出一疊簇新的覆印出的字據，落款年月不同，但簽名都是同樣的三個字“鄧秉信”。

阿媚的瞳孔猛然收縮，目光像燃著烈焰般凝固在紙上。

“十個古惑仔九個賭。和興勝包括其他‘和字頭’一早就有規矩，無論係話事人抑或係坐館，包括佢哋啲屋企人，都唔可以喺‘和記’個場賭。因為咁樣好難追數，仲可能拉其他兄弟落水。”

“七八年前興叔隻腳唔掂，之後都係信少幫他睇住啲貨船。對比返最早嗰張借據嘅日期，加埋阿明先排過大海chok下扒仔、疊碼仔，怕且信少喺六年前就已經喺澳門玩大場，玩親都係四海會啲貴賓廳。”

“呢張係五年前，他抵押自己部車。”

“仲有呢張，押咗興叔比佢嘅屋。”

“信少咁嘅身份，普通堂口根本唔敢帶他過大海，只會由佢自己玩，更加唔敢借錢比佢。”

“阿明搵到個疊碼仔以前喺香港撈過，知道呢度啲嘢，專搵字頭裏面啲人做客。信少賭臺底用一拖五，輸光輸凈都仲要欠多六百萬，後來係通過佢搵到四海會嘅分堂口借大耳窿。六百萬，幾年前元朗邊個堂口嘅坐館見過咁大筆錢？興叔應該好早就知道?啦，但佢年紀大又死要面，邊會抓開塊面同我哋做細嘅講自己個仔過大海輸成八百萬。”

“錢，興叔一定有幫他還，但邊還到咁多。疊碼仔講過，四年前佢哋夾硬要阿信少押咗間屋，但最後對方無啦啦銷咗筆數，換係你看得怪唔怪吖？而喺一個幾月之後，阿六同佢幾個兄弟就比人伏……興叔查極都唔知邊個。”

阿媚苦澀道：“四海會同潮州商會有關？”

林展權略一點頭，道：“無錯，嗰個廳主同潮州商會個副會長算係半個連襟。”

阿媚仰頭看著墨色的天，讓淚水在眼眶裏靜止：“仲查到啲咩？”

話間，外面傳來汽車的引擎聲，阿明很快拿著鑰匙出現在門口。見到阿媚的神情，他微微一怔。

“權哥、媚姐。”

林展權見了他，詢道：“啲嘢搞掂？”

阿明如釋重負般呼出一口氣：“嗯。”

林展權對他點點頭，開口道：“之前我叫你查啲嘢，講比阿媚知。”

阿明聞言看了看阿媚，終是低頭避開她的眼神：“媚姐，我……”

阿媚的頭仍然仰著，隱忍道：“……無事，你照講。”

阿明清了清嗓子，寥寥數言交代一樁疑事。

廈村堂口在數月前與潮義安的泥圍堂口起過沖突，雙方多次爆發械鬥，互有死傷。其間，坐館喪強打聽到對方坐館的臨時住地，意欲向林展權借二十人將其圍砍，不料潮義安卻早作防備。若非阿明等人在岸邊開船接應，喪強與堂口一眾兄弟絕不止身上那點輕傷而已。

“泥圍啲人係就係唔夠廈村揪得，但硬係陰返喪強轉頭。佢以為係自己黑仔，但權哥都係叫我查下係咪有二五仔。呢次本應係喺二號碼頭接應，得喪強同幾條友知道，後來耀仔過咗去泥圍昅住先，先發現附近一早伏咗潮義安班撲街，其他幾個碼頭都無。權哥叫我哋提早摣另一架船過去，又帶多兩支槍，先打走班撲街。”

“耀仔摸過佢哋底，有一個成日同信少私下聯絡。我昅咗成個月，佢哋真係同潮州幫有來往。”

阿媚雙手抱臂，靜靜地看著林展權。半晌，她開口道：“權哥，你想點，我聽。”

林展飲了口茶，道：“做二五仔，按規矩係要喺刑堂斬手斬腳，三刀六洞。但信少再撲街都係興叔個仔，佢出賣兄弟嘅事揚出去，成個元朗堂口都無曬面，阿嫂佢一個女人仔以後都唔知點。”

“佢啲撲街事，阿嫂已經知道，亦知道佢比字頭發現嘅話就係咁先。所以她嚟求我，睇在興叔面應承一句，送佢個女阿芬出國讀書，再等信少幫鄧家留個後。呢啲我都應承咗，宜家信少條女同阿嫂住埋一齊，互相有個照應。”

“阿媚，興叔對你唔錯，所以我唔想你親自郁手。頭先阿明已經送信少上路，等搞掂曬啲事，叫埋阿六以前幾個兄弟同佢裝註香。”

阿媚聞言點了點頭，揉揉眼角道：“多謝你，權哥。”

林展權點起一支煙，對她道：“至於之前講嘅事……我同雷叔決定呢兩日打潮永福荃灣個堂口，晏些少強哥佢哋過來，我會再落order。雷叔份人古古惑惑，做事總會留一手，佢肯應承我五五分賬，就一定要喺其他嘢攞返啲著數。荃灣一帶佢熟過我，如果雷叔堂口啲人唔全心幫我，到時潮永福打返轉頭，強哥他們連走佬都走唔到。”

“但呢啲我就畫公仔唔畫出腸啦，廢時大家縮沙。”

“強哥同大口輝手下大概有三十幾個新進嘅四九，其中幾個都好打得下。因為生面口，可以喺荃灣自出自入。阿媚，聽朝一早你將強哥啲人帶去屯門大欖湧，大口輝啲人送去荃灣沙咀道，自己再出十個，湊夠兩邊都有二十人。之後嘅事我仲有其他plan，耀仔會再通知你。”

阿媚對林展權點了點頭，神色已然恢覆如常：“收到，權哥，我即刻去搞。”

本站無廣告，永久域名（fanyan.cc）